حبيبي الوحيد

ليه أحبك انت
إنت من دون الوجود
ليه الحب فجأة بيتولد

حبيبي الوحيد

حبيبي الوحيد

خايفة

خايفة قوي
ياللي
بقيت حتة مني

خايفة

لإنك
مهم قوي
عندي

قد ما بحبك

خايفة

بقيت بعشق
أسمعك

صوتك
همسك وكلامك
رقة قلبك
وحنانك

إنت

صراحتي وقلبي
كلام كتير حقيقي
مش مجرد كلام
مشاعري وحيرتي

روعتك
عبراتك وآهاتك
إحساسك
حتى جنونك
وجموحك
طوفانك
.
.
تفتكر
.
.
ولا إيه
كل شيء بيكون
من غير ليه
.
.
بيكون
.
.
كل حاجة ماعرفتهاش
وكل الكلام اللي
مااتقالش جوايا
من زمان

كل المعاني
واكتر من كده بكتير

أنا فين
معاك غرقانة
فيك هايمانة
ودايما وياك سرحانة

لازم اخاف
لإن الروعة
اللي بقيت تسكنني
منك

بتغير فيا
كتير من جوايا
.
.
بتغير فيا
ضعفي لقوة طاغية
كانت من زمان مني تايهة
منك أنا محتاجة
أرتوي اكتر

من نبع الأمان
أقوى

من ضي الحنان
أشفى

اللي دفع بيا
لطغيانك فيا

محتاجة

ابقى فعلا أنا
بعد ما كنت فاكره
إني .. كنت

لقيتني لسه هنا
ممكن ابقى واكون
.
.
خايفة

لازم اخاف
عشان المدد
أصفى من الشهد
صدقني
كأني
.
.
يادوب دلوقتي
من جديد
.
.
بتولد

ماجدة الصاوي
7-1-2014
حبيبي الوحيد

 

Posted in الرقص على أوتار النبض and tagged as , , , , , , , , , , , , , , , ,
Comments are closed.
%d bloggers like this: